O Centro Culturalconta con dez ordenadores a disposición dos seus usuarios. A sala de acceso a Internet, libre e de balde, está composta por sete terminais conectadas á rede con ancho de banda ADSL Premium de 8 Mbps con servicio de impresión e scanér: tres delas co sistema operativo Windows XP e catro con software libre con sistema Linux. Velaquí as bases da súa utilización:

• O servicio de acceso a Internet é exclusivamente con fines de consulta e recompilación de información, e pretende o acceso dos cidadáns á información e á cultura a través de software libre.

• O uso dos ordenadores é gratuito.

• O acceso en Internet a contidos inapropiados ou inaxeitados é responsabilidade directa do usuario, e o persoal da biblioteca resérvase o dereito a finalizar en calquera momento a sesión de consulta, cando considere que non se está facendo un uso axeitado do servicio. Prohíbese expresamente o acceso a chats e xogos.

• O horario da sala de acceso a Internet é de 9,30 h. a 20,30 h. initerrumpidamente.

• Cada terminal poderá ser utilizada por unha única persoa.

• O tempo de uso está limitado a 1 hora por persoa e día. Antes de entrar, o usuario deberá inscribir o seu nome e a hora de inicio da sesión na planilla disposta na entrada, no cadro correspondente. Tanto o persoal da biblioteca como os usuarios resérvanse o dereito a finalizar en calquera momento unha sesión de consulta cando o tempo de uso esté rematado, tomando coma referencia a hora de inicio disposta na planilla.

• Está expresamente prohibido calquera acto ou adulteración dos programas ou configuracións informáticas, así como maltratar os ordenadores, desconectalos, apagalos ou realizar algún cambio no seu funcionamento.

• Os usuarios poderán gardar a información que desexen nun dispositivo de almacenamento da súa propiedade, ou ben nas carpetas locais tendo en conta que a información poderá ser borrada ó final de cada quenda.

• Os usuarios poderán imprimir os documentos que desexen en formato DIN A4 en branco e negro, previa solicitude ó persoal da biblioteca. Cada copia ten un custe de 6 céntimos de euro.

Tamén está instalado o sistema WI-Fi a través de dúas liñas (biblio_int e biblio_ext) abertas, dentro do programa Internet nas Bibliotecas da Xunta de Galicia e Red.es do Ministerio. Con este sistema poderás conectarte a Internet a través dun portátil ou PC da túa propiedade en todo o edificio e 200 m. arredor do mesmo.
A través desta páxina, tamén atoparás o acceso a unha grande cantidade de recursos en Internet, como bases de datos de balde.
No interior da Sala de Consulta atoparás, ademais, tres terminais. Nun, destiñado ó OPAC local, poderás consultar os fondos da biblioteca. A outra terminal é para consulta desta páxina e dos seus enlaces e recursos. Posúe servicio de impresión. Na sala infantil tamén contamos coa presencia dunha terminal para a consulta do OPAC infantil e acceso a xogos educativos.
Tamén contamos cunha terminal informática do emprego, onde poderás acceder a toda a información relativa a este campo que desexes