A Concellería de Cultura do Concello do Porriño crea a Escola Municipal de Baile pretendendo fomentar esta actividade entre a xuventude máis moza da vila.
O
baile é nuha disciplina na que a coordinación e o ritmo, a través
dun exercicio suave e divertido, fomenta a seguridade e a confianza no individuo
así como a capacidade creativa do neno, pero sobre todo, favorece a
comunicación e o compañeirismo entre os nenos xa que se trata
dunha actividade grupal e de parella.
Cabe destacar que a Escola Municipal de Baile, organizada pola Concellería e pola Escola de Baile Deportivo e de Competición "Pasos-Miguel e Enma" é totalmente de balde, e as clases son impartidas polos únicos profesores de baile titulados en toda Galicia, coa garantía que todo elo supón. Miguel Abreu e Enma López, á máis de ser a única parella titulada en Galicia para a docencia, son tamén a única parella de baile profesional de Galicia; forman parella dende 1998, ano en que decidiron probar sorte no mundo da competición e sorprenderon polos seus éxitos acadados, por exemplo, a novena posición no III Open French.
Na Escola Municipal de Baile impártense clases de iniciación á práctica de baile nas modalidades de Baile Latino (Chachachá, Samba, Ruma, Pasodoble e Jive) e Baile Standard (Vals inglés, Tango, Vals vienés, slow fox e quickstep), e están dirixidas en principio a xoves de entre 7 e 14 anos.
Os
obxectivos cos que nace a escola son fundamentalmente formar parellas de baile
de competición que representen ó concello porriñés
en competicións a nivel nacional.
ESCOLA MUNICIPAL DE BAILE DO CONCELLO DO PORRIÑO:
|
LUGAR
|
MARTES: Centro Cultural Municipal de Torneiros Centro Cultural A Forna de Budiño XOVES: Pavillón Municipal de Deportes (Ximnasio) |
|
HORARIO
|
MARTES: Centro Cultural Municipal de Torneiros 17,00-18,00
H Centro Cultural A Forna de Budiño 18,30-19,30 H. XOVES: Pavillón Municipal de Deportes 17,15-18,15 / 18,15-19,15 H |
|
DURACIÓN DO CURSO
|
do 1 de outubro ó 30 de xuño. |
|
PRAZO DE MATRÍCULA (gratuita)
|
do 19 de setembro de 2003 ó 15 de outubro de 2003 (matriculación nas oficinas do Centro Cultural Municipal, Tels: 986337624, 986339707, 986339708) |
|
IDADES
|
De 7 a 11 anos - grupo xuvenil. |
|
CONTIDO DO CURSO
|
Bailes Latinos: Chachachá, Samba, Rumba, Pasodoble, Jive |
| Bailes Standard: Vals Inglés, Vals Vienés, Slow Fox, Quickstep |
