actividades — palabras liberadas para Xosé María Álvarez Blázquez
Palabras
liberadas para Xosé María Álvarez Blázquez
é un proxecto que nace no berce da Biblioteca Municipal
do Porriño co ánimo de acadar para a literatura outra canle de
difusión: a través da música e da lectura en mans dos seus
artífices, os nosos músicos, os nosos poetas, a nosa cultura.
Hai palabras libres encerradas nos libros que poden e deben ser liberadas para
facelas vida.
Presentación
Lecturas e músicas
Créditos e agradecementos
( baixa o dosier informativo PDF 940 KB)
A celebración do “Día das Letras Galegas” de 2008 está dedicada a Xosé María Álvarez Blázquez, escritor, editor literario e personaxe que contribuíu á conformación do canon literario galego, nas súas dúas facetas de alto divulgador e descubridor de textos.
O Concello do Porriño, a través da Biblioteca Municipal, comprometido coa labor de difusión de personaxes relacionados co mundo das letras, elabora esta obra na que, tomando como referente á figura de Álvarez Blázquez e contando coa presenza de escritores e músicos contemporáneos, se pretende sexa expresión dun canal de unión de toda unha tradición literaria e musical da nosa terra.
Pretendemos aumentar a presenza e visibilidade da Biblioteca do Porriño na comunidade á que serve, extraendo as palabras dos libros e a biblioteca dos seus muros, converténdoa nun epicentro cultural e educativo, quizais o noso obxectivo primario, principal e primordial.
Editamos este DVD, que por unha parte contén o recitado de escritores e, por outra, a interpretación musical versionada a mans de varios artistas de diferentes estilos musicais. O contido deste DVD será amplificado (ou amplificouse) en todo o centro urbano das rúas peonís porriñesas a través dun sistema de megafonía ao longo da semana do 12 ao 18 de maio de 2008, coincidindo co Día das Letras Galegas. Así, liberaremos as palabras no aire.
Propuxemos a unha selección de autores colaborar co noso proxecto. Buscamos reunir nun mesmo ámbito a todo este conxunto de personalidades que forman o universo da literatura actual, vinculándoo ao mundo da tradición en busca da figura de Álvarez Blázquez. Participaron nas lecturas os propios fillos do homenaxeado Alfonso, Celso e Xosé María Álvarez Cáccamo, ademais de Manuel Forcadela, Luz Pozo Garza, Román Raña Lama, Xavier Rodríguez Baixeras, Xavier Seoane, Marga do Val e Manuel Vilanova. Cada un deles escolleu dous poemas para recitar: un da súa propia obra e outro da obra de Xosé María Álvarez Blázquez. A biblioteca encargouse de xestionar e coordinar a gravación (visual e sonora) destas lecturas nun espazo afectivo tamén escollido por eles (destacar que Pepe Cáccamo recita no despacho do seu pai). Encabeza esta sección de recitados o propio Xosé María, cunha gravación de 1968 en Radio Nacional de España do seu poema “Ao ver que non tiñas nome” (do libro “Roseira do teu mencer”).
A parte musical desta
actividade xira ao redor deste último poema, musicado polo compositor
porriñés Ignacio Antonio Paz Valverde na mesma época: encabeza
esta sección a gravación do mesmo, no 1969, por parte da Coral
Polifónica do Círculo Recreativo Cultural do Porriño. Propuxémoslle,
neste caso, a varias agrupacións musicais de diversos estilos que realizaran
unha interpretación contemporánea de “Ao ver que non tiñas
nome” e de “Era un airiño soave”: El Cubo, grupo de
referencia do rock galego; Kedro (Óscar Rodríguez), representante
da nova xeración de hip-hop acompañado polo DJ Kiko; Marcos Legazpi
e JazzT (Javi Paz), acompañados pola voz de Marta Quintana que os interpretan
en clave de música electrónica; e Uxía, que os filtra melodicamente
unida á guitarra de Héctor Lorenzo e ao violín de Quim
Farinha. O resultado foi certamente excepcional.
Entendemos que unha actividade destas características pode dar unha volta
de torca á tradicional promoción da biblioteca e a literatura,
normalmente asociadas á lectura, liberando as palabras dos libros e do
límite físico da nosa institución, sacándoas á
rúa, facéndoas son e imaxe. Hai palabras libres pechadas nos libros
que poden ser liberadas, que poden acompañar ás xentes na súa
vida cotián, sen necesidade de que estas teñan que realizar a
voluntaria labor de ensimesmamento que require o exercicio da lectura. A literatura
está viva, e non ten por que estar circunscrita nas páxinas pechadas
de libros ordenados nos estantes, esperando a ser lidas. A Biblioteca do Porriño
pretende que estas “palabras liberadas” se fagan oír por
si mesmas, que acudan ás xentes antes de que as xentes acudan a elas
e as acompañen no seu percorrer diario mentres van a comprar o pan, toman
un café cos amigos ou xogan cos seus fillos nas prazas. Hai palabras
libres encerradas nos libros que poden e deben ser liberadas para facelas vida.
Xosé María
Álvarez Blázquez
- Ao ver que non tiñas nome (gravación de 1968 no programa “Poetas
de Galicia” de Radio Nacional de España)
(audio
699 KB)
Alfonso Álvarez Cáccamo
- Carta a Celso Emilio, novamente emigrado (XM Álvarez Blázquez)
- Nova carta ao meu pai.
(audio
2,02 MB)
Celso Álvarez Cáccamo
- Golparro? (XM Álvarez Blázquez)
- Embora o meu corpo esteja aquí
(audio
3,01 MB)
Xose María Álvarez
Cáccamo
- Solpor. (XM Álvarez Blázquez)
- Voltei a entrar na casa.
(audio
2,71 MB)
Manuel Forcadela
- Á leda entrada de Aquilino Iglesia Alvariño na vida (XM Álvarez
Blázquez)
- Fotos
(audio
1,97 MB)
Luz Pozo Garza
- O neno (XM Álvarez Blázquez)
- Como un anxo loitabas
(audio
7,86 MB)
Román Raña Lama
- Aquil neno que eu fun (XM Álvarez Blázquez)
- Nada é Vigo
(audio
2,22 MB)
Xavier Rodríguez Baixeras
- Os ácios (XM Álvarez Blázquez)
- Lugar dos soños
(audio
3,38 MB)
Xavier Seoane
- Pol-o laranxal. (XM Álvarez Blázquez)
- A X. M. Álvarez Blázquez
(audio
1,79 MB)
Marga do Val
- O cabalo (XM Álvarez Blázquez)
- Pacto co poeta
(audio
4,50 MB)
Manuel Vilanova
- Saudade (XM Álvarez Blázquez)
- Xosé M. Álvarez Blázquez: in memoriam
(audio
2,06 MB)
Era un airiño soave e Ao ver que non tiñas nome
• Coral Polifónica
do Círculo Recreativo Cultural do Porriño [1969; director,
Antonio Ignacio Paz Valverde]
(audio
6,35 MB)
• El Cubo
(audio
3,57 MB)
• Kedro (Óscar Rodríguez) con DJ
Kiko
(audio
2,54 MB)
• Marcos Legazpi, JazzT (Javi Paz) e
Marta Quintana
(Era
un airiño soave 3,74 MB)
(Ao
ver que non tiñas nome 3,85 MB)
• Uxía. Uxía (música), Héctor
Lorenzo (Guitarra), Quim Farinha (violín), Héctor Lorenzo (arranxos).
Uxía aparece por cortesía de Harmonía Mundi (World Village)
(audio
3,77 MB)
Ilustracións do folleto: Berta Álvarez Cáccamo
Edita:
Concello do Porriño. Biblioteca Municipal
Idea e dirección: Albino Alonso Rodríguez e David
Pérez Rego
Gravación imaxes e deseño DVD: Francisco Javier
Pérez
Gravación musical e mesturas: Isaac Palacín
O Concello do Porriño,
a través da Biblioteca Municipal, quere agradecer, pola súa participación
e colaboración neste proxecto, a Alfonso Álvarez Cáccamo,
Berta Álvarez Cáccamo, Celso Álvarez Cáccamo e Xose
María Álvarez Cáccamo, Manuel Forcadela, Luz Pozo Garza,
Román Raña Lama, Xavier Rodríguez Baixeras, Xavier Seoane,
Marga do Val e Manuel Vilanova; á Coral Polifónica do Círculo
Recreativo Cultural do Porriño [1969] e ao seu director Antonio Ignacio
Paz Valverde, El Cubo, Kedro (Óscar Rodríguez), DJ Kiko, Marcos
Legazpi, JazzT (Javi Paz), Marta Quintana, Uxía, Héctor Lorenzo,
Quim Farinha e Harmonía Mundi (World Village); a Isaac Palacín
e Francisco Javier Pérez, a Paula Alonso, Noelia de la Fuente, Mari Carmen
Rivero e Fátima Rodríguez.
E a todas aquelas persoas que contribuíron a levar a cabo este proxecto
dun xeito máis sinxelo.
D.L. C 1050-2008, © 2008, Concello do Porriño