centro de interese "Ver mundo"

Para viaxar tes varias opcións, como facelo en avión, en barco, en coche ou en autobús: tamén podes ir a pe ou en bicicleta, iso é o mellor. Pero si non tes gañas, tempo ou cartos para facelo, un libro é, sen dúbida algunha, a mellor opción: podes viaxar dende a túa casa, sen presa, sen riscos, sen últimas horas.
Na biblioteca do Porriño dámosche as dúas opcións a través do centro de interese “Ver mundo”. Tes guías de viaxes de tódalas xeografías do planeta (incluídas as guías Lonely Planet), mapas e planos; e poderás levar contigo guías de conversación e pequenos dicionarios de idiomas para as cousas da linguaxe. Pero tamén proporcionámosche atlas para trazar rotas co dedo, literatura de viaxes e roteiros por toda Galicia para os que gusten máis das distancias curtas ou dos fins de semana. Se non viaxas, que non sexa por nós...