actividades — concurso de fotografía 2008 "O pracer de ler"

O xurado do concurso, composto por:

- Eva Carrera González, deseñadora
- Martina Martínez Troncoso, deseñadora
- Manuel Sánchez Díaz, xornalista
- Germán Lorenzo Fernández, fotógrafo profesional
- Agar Fernández Bautista, artista e deseñadora

ditaminou hoxe que a gañadora de 600 € no concurso de fotografía “O pracer de ler, 2008” é Mª Luisa González Fontaíña, natural de Vigo, que participou baixo o lema “El repartidor de sueños”, coa fotografía “s/t”. Agradecemos a todas e todos formar parte desta nova edición do concurso que pulverizou as anteriores marcas de participación. A exposición con todas as fotografías participantes está aberta ao público na primeira planta da biblioteca.

Exposición	Fotografía gañadora

Co motivo da celebración do Día do Libro do 23 de abril de 2008, a Biblioteca Pública do Porriño convoca un concurso de fotografía que ten como como obxecto a promoción da lectura e a dinamización da referida festividade. O premio único será de 600 €

BASES DO CONCURSO DE FOTOGRAFÍA
“O PRACER DE LER 2008”
(bases en PDF)

Co motivo da celebración do Día do Libro do 23 de abril de 2008, a Biblioteca Municipal do Porriño convoca un concurso de fotografía que ten como obxecto a promoción da lectura e a dinamización da referida festividade.

TEMÁTICA
- A temática das fotografías a presentar versará sobre calquera aspecto relacionado co mundo da literatura, lectura e do libro, primando a idea que emana do propio nome do concurso "O pracer de ler”.

PARTICIPANTES E FOTOGRAFÍAS
- Participarán en concurso único tódalas persoas que así o desexen, sen diferenciación de idades, e co número de fotografías que estimen oportuno. As fotografías presentadas poderán ser en cor ou branco e negro, de calquera tamaño, pero sempre nun soporte físico.

- As obras deberán ser orixinais, inéditas e non ter sido premiadas nin recoñecidas ou seleccionadas noutros certames. Asemade, deberán estar libres de dereitos que poidan posuír terceiros.

FORMA DE PRESENTACIÓN
- As fotografías axuntaranse nun sobre, no dorso de cada fotografía irá o lema do autor e o título da fotografía. E tamén acompañará un sobre pechado co lema do autor escrito por fora e, no seu interior, os seguintes datos: nome completo do autor, enderezo, número de teléfono e número do DNI.

LUGAR E PRAZO DE ENTREGA
- As fotografías entregaranse nas oficinas da biblioteca municipal R/ Domingo Bueno nº 9, 36400 O Porriño – Pontevedra, en horario de 9,00 a 21,00 h. de luns a venres ata o prazo máximo do venres 11 de abril ás 21,00 h.

XURADO E FALLO:
- O xurado estará composto por membros do departamento de Cultura do Concello do Porriño, ou persoas nas que deleguen. O fallo do xurado darase a coñecer nos medios de comunicación, ademais de comunicarse persoalmente ao gañador por teléfono.

PREMIO:
- Concederase un único premio de 600 €. sometido á retención que exprese a lei. No caso de que o gañador sexa menor de idade na data de remate de presentación das fotografías, substituirase o diñeiro por un agasallo (cámara dixital e/ou material fotográfico) dun valor aproximado.

EXPOSICIÓN:
- Coas fotografías presentadas a concurso realizarase unha exposición nas instalacións da biblioteca en datas por determinar entre abril e outubro de 2008.

DEREITOS PATRIMONIAIS DE EXPLOTACIÓN DA FOTOGRAFÍA PREMIADA:
- De conformidade co previsto na Lei de Propiedade Intelectual, o autor da fotografía premiada, sen prexuízo dos dereitos morais que lle corresponden, cede á Biblioteca Municipal do Porriño, co carácter de exclusividade, os dereitos patrimoniais de explotación da fotografía gañadora.

OBRAS NON PREMIADAS:
- A presentación dunha fotografía a este concurso supón a autorización expresa da súa reprodución en calquera formato que se estime necesario para a divulgación do concurso e da biblioteca, especialmente no referido á súa promoción, difusión, comunicación e exhibición, incluídos exposicións, catálogos e páxinas web.

- As obras non premiadas poderán ser devoltas a petición dos seus autores, sempre pola súa conta e pasado 1 mes da finalización da exposición do concurso. No caso de solicitar a devolución por axencia de transporte, devolveranse a portes debidos.

ACEPTACIÓN DAS BASES:
- A participación neste concurso supón a aceptación total das presentes bases e fallo do Xurado. O Xurado queda facultado para dirimir calquera eventualidade non prevista nelas.