escritor@s da semana

Robert Louis Stevenson
(Gran Bretaña, 1850-1894)

E á terceira repetición do coro, empurrou as barras do cabrestante ó fronte deles con grande brío. Máis aínda naquel momento de excitación, ese canto lúgubre trasládame coa imaxinación, nun segundo, á miña vella pousada do Almirante Benbow, na cal oía de novo a voz daquel capitán sobresaíndo sobre o coro enteiro. Pero moi cedo o ancla estaba xa fora e deixábase colgar, escurrindo xunto á proa. Pronto se erizaron tamén as velas, que comezaron a incharse suavemente coa brisa, e as costas e os buques comezaron a desfilar antes os meus ollos dun e doutro lado, de tal maneira que, antes de que houbera ido a buscar no sono unha. (tomado de "A Illa do Tesouro”)

Novelista e poeta, algunhas de cuias obras convertéronse en clásicos da literatura infantil. Naceu o 13 de novembro de 1850 en Edimburgo. Fillo dun enxeñeiro, estudou tamén esta profesión e máis tarde leis, na Universidade da súa cidade natal. Dende neno, sen embargo, sempre sentira unha especial inclinación cara a literatura, ó que o influiría máis tarde para adicarse ás letras, e foi perfeccionando o seu estilo de tal xeito que en poucos anos se sitou entre os escritores máis destacados do seu tempo.
Enfermo de tuberculose, viiuse obrigado a viaxar continuamente na busca de climas axeitados ó seu delicado estado de saúde. Os seus primeiros libros son descricións dalgúns destes viaxes. Así, por exemplo, Viaxe terra adentro (1878). A populariedade de Stevenson baseouse fundamentalmente nos emocionantes argumentos das súas novelas fantásticas e de aventuras. A illa do tesouro (1883, existente na biblioteca), unha trepidante historia acerca da busca dun tesouro soterrado, presenta o ben baixo a forma evidente dun rapaz, Jim, que debe descubrir por si mesmo a cara do ben e do mal entre os seus bondadosos amigos, e o mal personificado aparentemente nos piratas Pew e Long John Silver. Na alegoría moral en forma de historia de misterio, O estrano caso do doutor Jeckill e mister Hyde (1886, existente na biblioteca), os dous estremos, o ben e o mal, únense nunha soa persona, o médico Henry Jeckill, que descobre unha substancia química capaz de transformalo, primeiro a vontade e despois incontroladamente, no monstruo Hyde. Entre as súas novelas de aventuras destacan A frecha negra (1888) e O señor de Ballantree (1889). A inconclusa Weir of Herminston (1896), está considerada como a súa obra mestra, pois os fragmentos que chegaron ata nós conteñen algúns dos máis fermosos pasaxes da prosa escocesa moderna.
Escritor versátil, Stevenson posuía talento suficiente como para afondar con mestría en distintos xéneros literarios. Amosou tamén unha grande capacidade no xénero do ensaio e a crítica recibiu moi ben os seus libros de viaxes autobiográficos como A casa solitaria (1883), A través das chairas (1892) ou Illas do Sur (1896). Entre os seus libros de poemas hai que destacar Xardín de verso para nenos (1885), mentres que O diaño da botella (1893, existente na biblioteca) e Narracións marabillosas (1882) recollen os seus relatos breves. A nosa biblioteca conta ademáis coas obras Secuestrado, Catriona, Noites da illa ou O tesouro de Flanchard.
Ó longo dun cruceiro de pracer polo sur do Pacífico, no 1889, levoulle ás Illas Samoa onde el e a súa esposa permaneceron ata 1894, nun derradeiro esforzo por recuperar a saúde do escritor. Os nativos chamárono Tusitala (o que conta historias). Alí morreu a finais dese mesmo ano e foi soterrado no cumio da montaña, preto de Valima, o seu fogar samoano.