actividades — concurso de relatos curtos e sms "Letras Galegas 2005" (fora de prazo)

FALLO DO XURADO

Modalidade de mensaxes de móbil:

1º premio (250 € e agasallos): Rubén Vizcaíno Pena
- "Esta mnsaxe esta envelenada. Poderia espertar en vostede o gusto polo inutil. Cndo a reciba, ceibea ao lixo. Non lle colla aprecio, fagame caso."

2º premio (150 € e agasallos): Fernando Álvarez Bea
- "tba cnctado e ln q x - d 150 ltrs dbds 250 ? fcr o q smpr fi l galgo, fclo tdo + snxlo. Dik, e chmd pra sgint."

Modalidade de relato curto:

Categoría A (ata trece anos):
- 1º premio(reproductor de DVD e agasallos): Gloria Bastos González, do Porriño, por "A campá do reloxo"
- 2º premio (reproductor de DVD e agasallos): Katia Fernández Bargiela, do Porriño, por "A canteira de Refilón"

Categoría B (de 14 a 18 anos):
- 1º premio (cámara dixital e agasallos): Brais González Pérez, de Salceda, por "Melancolicamente Roiciño"
- 2º premio (reproductor de DVD e agasallos): Beatriz Vila Castiñeira, de Tui, por "O xogo da ola"

Categoría C (maiores de 19 anos):
- 1º premio (300 € e agasallo): Rocío Leira Castro, de Cee, por "Fume de muller"
- 2º premio (200 € e agasallo): Miguel A. Abraira Pérez, do Porriño, por "Corenta e oito días"

BASES:

- O concurso está organizado pola Concellería de Normalización Lingüística do Concello do Porriño e conta coa colaboración da Biblioteca Municipal.
- Establécense dúas modalidades para o concurso: relato curto e mensaxes de móbil (sms).
- As obras presentadas non poderán estar publicadas nin premiadas noutro concurso.
- Non se entregará máis dun premio por persoa.
- Pola publicación dos traballos gañadores non se percibirán dereitos de autor.
- Non se aceptarán traballos recibidos máis tarde do dezaseis de maio.
- O ditame do xurado, así como a súa composición, farase público antes do 31 de maio.
- O Concello non devolverá os traballos non premiados.
- Para cada modalidade establécense as seguintes bases específicas:

RELATO CURTO

- Na modalidade de relato curto distínguense as seguintes categorías por idades:
A) ata 13 anos
B) de 14 a 18 anos
C) a partir de 19 anos
- As obras deberán estar escritas en galego e presentaranse mecanografadas a dobre espazo por unha soa cara, numeradas e por triplicado.
- Os orixinais deberán ter unha extensión non inferior a tres folios nin superior a sete.
- Os relatos deberán cumprir polo menos unha das seguintes condicións:
- Estar ambientados no Porriño. Os escenarios onde decorra acción deberán ser reais.
- Estar relacionados con algún oficio, tradición, personaxe, feito histórico ou lenda do Concello.
- Os traballos de relato curto enviaranse ao seguinte enderezo:
CONCELLO DO PORRIÑO
Normalización lingüística
r/Antonio Palacios 1
36400 O Porriño
ou tamén poderán ser entregados na Biblioteca Municipal.
- Os traballos deberán ir nun sobre, firmados unicamente cun pseudónimo e acompañados doutro sobre pechado que indique o pseudónimo e a categoría (A, B, ou C) no exterior e no interior o nome, idade, domicilio e teléfono do autor/a.

MENSAXES DE MÓBIL

- As mensaxes deberán estar escritas en galego e terán unha extensión máxima de 150 caracteres (os espazos consideraranse caracteres)
- As mensaxes, de tema libre, serán valoradas pola súa orixinalidade e simpatía.
- As mensaxes deberán ser enviadas desde un teléfono móbil á seguinte dirección de correo electrónico:
normalizacion_linguistica@porrino.com
- No asunto da mensaxe deberá figurar a palabra “Letras” seguida do número de teléfono móbil desde o que se envía a mensaxe e que será o utilizado para contactar coa persoa gañadora.
- No texto das mensaxes non se poderán empregar acentos ortográficos.
- Nesta categoría non se establece división por idades. No caso de que a persoa gañadora sexa menor de idade, recibirá, no canto de diñeiro en metálico, un regalo valorado na cantidade establecida.
- Todas as mensaxes recibidas amosaranse na páxina web da Biblioteca Municipal.

PREMIOS

relato curto

- Categoría A
1º premio: mochila, reprodutor de DVD, figura de Sargadelos e publicación
2º premio: mochila, reprodutor de DVD, figura de Sargadelos e publicación

- Categoría B
1º premio: mochila, cámara dixital, figura de Sargadelos e publicación
2º premio: mochila, reprodutor de DVD , figura de Sargadelos e publicación

- Categoría C
1º premio: 300 euros, figura de Sargadelos e publicación
2º premio: 200 euros, figura de Sargadelos e publicación

mensaxes de móbil

1º premio: mochila, 250 euros, figura de Sargadelos e publicación
2º premio: mochila, 150 euros, figura de Sargadelos e publicación