Campaña de animación á lectura 2005-2006
Biblioteca Municipal do Porriño

Gañadora do Premio Nacional María Moliner de animación á lectura 2006

A Biblioteca Municipal do Porriño quere agradecer ao Ministerio de Cultura, á Federación Española de Municipios e Provincias e á Fundación Coca-Cola ó outorgamento deste premio. Ó mesmo tempo queremos agradecer o traballo de tódolos nosos colaboradores pola tarefa desenvolta, e ós nosos usuarios pola confianza depositada en nós e o apoio ó longo de todo este tempo.

Moitas grazas a todos.

A Biblioteca Municipal do Porriño foi galardonada co premio único ó mellor proxecto de animación á lectura de toda España do ano 2006. A Campaña de Animación á Lectura María Moliner, organizada polo Ministerio de Cultura, a Federación Española de Municipios e Provincias e a Fundación Coca-Cola, convocada para concellos de menos de 50.000 habitantes de toda España, é o concurso máis importante no mundo das bibliotecas españolas, que se celebra dende 1998 e que pretende premiar ós mellores proxectos para promover a lectura de nenos e mozos nas bibliotecas do territorio nacional, ó que se presentaron, nas últimas edicións, máis de 7.550 proxectos por máis de 2.000 concellos. O concurso ten dúas variantes: por un lado selecciónanse 350 proxectos destacados, que son premiados con lotes bibliográficos (a biblioteca do Porriño leva catro anos, dende 2002, sendo unha destas bibliotecas seleccionadas), e por outro, establécense tres premios únicos a nivel nacional que premian diferentes aspectos de animación: Premio María Moliner “á mellor labor bibliotecaria”, Premio María Moliner “ó mellor proxecto de integración social” e, con moito o máis importante, Premio María Moliner “ó mellor proxecto de animación á lectura”, dotado con 12.000 euros que recaeu nesta IX edición na biblioteca porriñesa.
Segundo nota do Ministerio de Cultura, este importante premio foi outorgado á Biblioteca Municipal do Porriño destacando que “as actividades de animación á lectura diríxense cara os adolescentes empregando calquera medio ó seu alcance e tratando de achegarse mediante aqueles canais que ós mozos lles permiten moverse con máis axilidade e onde eles se atopan máis cómodos” (concertos, concursos de fotografía, proxeccións cinematográficas, concursos de SMS, a web, contacontos, obradoiros de creación, etc.) Destaca, ademais, o Ministerio como méritos que “o uso de novos medios de comunicación permiten a captación destes colectivos, a súa partipación amplíase, permite desenvolver a imaginación e a creatividade”.
O proxecto premiado, titulado “BiblioTK: el mundo a tu alcance”, desenvolveuse ó longo dun ano a través de diferentes actividades cun enorme éxito de participación e resultados palpables: así cabe destacar que a biblioteca conseguiu “atraer” como usuarios a centos de novos mozos ou incrementar o préstamo de literatura infantil e xuvenil en máis dun 300 %.
Este premio nacional ven a coronar a intensa actividade desenvolta pola biblioteca porriñesa nos últimos tempos, que se manifestou, ademais, na ampliación dos seus servizos, sobre todo na páxina web, cunha media de 128 visitas por día (máis de 46.800 visitas no 2006) a apertura de novos espazos ou na súa participación activa no último Congreso Nacional de Bibliotecas Públicas celebrado en Murcia.

Máis información na web do Ministerio de Cultura: http://www.mcu.es/libro/MC/PFL/CampAnimacion/CampAnimacion.html

- INTRODUCCIÓN

- CAMPAÑA
• TEMPORALIZACIÓN
• RECURSOS
• ACTIVIDADES

1. Concerto homenaxe ó Día das Letras Galegas

2. Concurso de fotografía O pracer de ler, 2006

3. Conmemoración dos 60 anos da publicación de O Principiño

4. Cine na biblioteca: ciclo de proxeccións cinematográficas

5. Animación á lectura Lúa ConLuvas

6. Curso de animación á poesía

7. Concurso de SMS

8. Ampliación de servizos e accesibilidade na web da biblioteca

• AVALIACIÓN