actividades — concurso de fotografía "O pracer de ler" (fora de prazo)
bases - fallo do xurado - actividade "60 anos doPrincipiño"

Gaña unha cámara dixital Sony DSC-T7

Co motivo da celebración do Día do Libro do 23 de abril de 2006, a Biblioteca Pública do Porriño convoca un concurso de fotografía que ten como como obxecto a promoción da lectura e a dinamización da referida festividade. Á par desenvólvese unha actividade participativo en relación ós 60 anos da publicación do libro "O Principiño"

	• Ultracompacta (9,8 mm na parte + delgada)
	•  5,1 megapíxels efectivos
	•  Pantalla LCD Clear Photo (2,5” tipo híbrido, alta resolución 230 k)
	•  Lente Carl Zeiss® Vario-Tessar®
	•  Zoom óptico 3x, zoom intelixente de hasta 12x e zoom dixital de precisión 6x

A persoa gañadora da cámara dixital Foi Mª Luisa González Fontaíña, de Vigo, pola fotografía "No soñaba, no", cun total de 26 puntos.

Como segundo clasificado elexiuse a Belén Pedreira Ramiro, de Arteixo, pola fotografía “Al otro lado del continente”, con 19 puntos, e como terceiro clasificado elexiuse a Mª Luisa González Fontaíña, de Vigo, pola fotografía “De los de lanza en astillero”, cun total de 15 puntos.

Fotografía gañadora "No soñaba, no"

60 anos do Principiño

Como homenaxe ós 60 anos da publicación do libro “O principiño”, de Antoine de Saint-Exupéry, a biblioteca realiza unha actividade en paralelo ó concurso de fotografía. Trátase de que nenos e adultos realicen sobre papel a súa visión particular dun mesmo concepto, idea ou obxecto, e facelos convivir, para plasmar así a riqueza de visións entre as persoas, unha das ideas do libro de Saint-Exupéry. Para iso disponse, na mesma sala de exposicións, material de pintura e soportes axeitados para que todo aquel que quera participar, pinte e colgue el mesmo as súas obras. Na inauguración, regalámoslle ós nenos/as participantes o libro "Toribio revoluciona o tráfico", de Carlos Casares.

Clica sobre as imaxes para amplialas
	A gañadora do premio

BASES DO CONCURSO:

- A temática das fotografías a presentar versará sobre calquera aspecto relacionado co mundo da literatura, lectura e do libro, primando a idea que emana do propio nome do concurso "O pracer de ler"

- Participarán en concurso único tódalas persoas que así o desexen, sen diferenciación de idades, e co número de fotografías que estimen oportuno. As fotografías presentadas poderán ser en cor ou branco e negro, de calquera tamaño.

- As fotografías axuntaranse nun sobre, no dorso de cada fotografía irá o lema do autor e o título da fotografía. E tamén acompañará un sobre pechado co lema do autor escrito por fora e, no seu interior, os seguintes datos: nome completo do autor, enderezo, número de teléfono e número do DNI.

- As fotografías entregaranse nas oficinas da biblioteca en horario de 9,00 a 21,00 h. de luns a venres ata o prazo máximo do venres 7 de abril ás 21,00 h.

- Coas fotografías entregadas realizarase unha exposición. A fotografía premiada quedará en propiedade do Concello do Porriño.

- O xurado estará composto por membros do departamento de Cultura do Concello do Porriño, ou persoas nas que deleguen.

- O premio único será o de unha cámara dixital.

- A participación neste concurso supón a aceptación das presentes bases e fallo do xurado.